Description

Je cherche I bi no grad nid sicher, ob i äleini fürne Wohnig luege, ä WG gründe oder wider ine bestehendi WG möcht zie. Ob z zwöit, zdritt oder no me Lüt wär mr zimlech glich. Darum luegi iz mau früehzytig ume ob öbbis passt.
I würd gärn ungfähr ir Region Mattehof wohne, aber bi ou flexibel für Aagebot rundume (nid grad Konolfinge oder so ;) ). Bi definitiv nid uf dr suechi nachere Zwäcks-WG, sondern schetzäs sehr wenn mä mau gmeinsam chochet, isst oder im Summer ufne Aareschwumm geit. Fürne schöni Wohnig oder ä Wöschmaschine wo mä sech nid mit 37 angere Mönsche teilt gibi ou gärn chli me Gäld us.

Je suis I bi dr Luca, bi 28i und ha guet 20 Jahr am Rand vor Stadt Bärn gläbt, bevor i im 2022 bruefsbedingt is Bärner Oberland bi züglet. Da i iz d Zuesag ha becho fürne nöii Stell abem Herbst z Bärn, wot i natürlech ou wider zrügg uf Bärn zügle. Ds wär aber realistisch gse äuä ersch ufe 1. Septämber müglech.

I ha WG Erfahrig i verschidene Konstellatione und ou scho äleini gwohnt. Würd mi aus sehr ordentlech und gsellig beschribe und z Lache hätsch sicher ou immer öbbis. Ir Freizyt machi gärn Sport u bi gärn unger Mönsche. Da ig teilwiis im Schichtbetrieb schaffe bini sicher nid immer zur gliche Zyt deheim wie angeri, bi dört düre aber ou gar nid heiku und cha immer pfuse, egal was rundume louft. Witer hani im Momänt no äs Outo woni ir Umgäbig vor WG irgendwo müest chönne parkiere.

Falls du ä passendi WG hätsch oder sälber vilech ou no überleisch ä nöii WG z Gründe, würds mi sehr fröie vo dir z ghöre (: