Von wgzimmer.ch geprüftes Inserat
Vermiete ein Zimmer 
♥
Daten und Miete
Ab dem 1.8.2025
Bis Unbefristet
Miete / Monat sFr. 1244 .–
Adresse
Region Zürich (Stadt)
Adresse Spitalgasse 08
Ort 8001 Zürich
Kreis / Quartier 1
In der Nähe zmitzt im Niederdörfli, en Chatzesprung vom Zähringer (;
Google Translate Grosse Karte zum Ausdrucken
Beschreibungen
Das Zimmer istMir bütet dir:
* Es grosses, ruhiges Zimmer gege de Hinterhof (15.5m2)
* Grossi Kuchi und 2 Badzimmer mit Duschi und Badwanne
* En grosse gemeinsame Wohnrum mit viel Platz für gemeinsami Obig, wo mer zeme planed sPatriarchat zstürze oder anderi fun little activities
* Es het WLan, e Wäschkuchi, Keller, Platz für Velos, e generell schön igrichteti Wohnig ;) und e gmeinschaftlichi Dachterasse
* Mir hend en Beamer und ganz viel Pflanze
* Ebefalls bütemer ide Lernphase gemeinsami crying-sessions ah und usserhalb natürlich ganz viel Zlache
Wir suchen
Für eusi 5.5-Zimmer-Wohnig suechemer ab 01. August 2025 e*n neui Mitbewohner*in.
Mir sind e queer-feministischi WG und dulded kei Forme vo Rassismus, Sexismus, Transphobie, Ableismus und alli andere Forme vo hate-speech! Eus isches wichtig, en guete Match zfinde, wo sich sWG-Lebe ähnlich vorstellt wie mir…
Mir würed eus sehr über e chlini Message vo dir freue, wo du eus verzellsch, wer du bisch, wie du dir sWG-Lebe vorstellsch und viellicht no en chline fun fact oder öpis Lässigs, wo du fürs Zemelebe mitbringsch…
Mir freued eus über jedi Bewerbig und mer lueged sie au regelmässig ah und ladet dich denn gern uf en Kafi/Tee/Bier/Wii zu eus ih.
Wir sind
Tatjana (22, sie/ihr) studiert Psychologie (und bestoht hoffentlich au mal iri Prüefige), het en unglaublich guete Musiggschmack, bleached jedi Wuche iri Augebraue, chan ires Esse leider immer nonig gnueg würze und liebt e Zigi ide Sunne.
Anna (22, sie/ihr) schlüsst grad ihre Bachelor in Psychologie ab und wer weiss, evtl go reise, evtl au nöd, evtl de Master… mal schaun was wird. Sie macht religiously gern Kafi ide Mocca und beschäftigt sich gern mit de tüfe lebensphilosopische Frage wie, 'chani Tabis alegge oder isch das so zu geil?'
Nadia (25, sie/ihr) isch sPflanzemami vo de WG, het öppe 400 Jobs ade Uni, ihri current hyperfixation isch Quinoasalat, sie isch en Morgemensch, list gern und ihri bangs werded vo Tag zu Tag chürzer.
Zeme gömmer gern an Flohmis und wenns nöd grad Lernphase (in the trenches) isch, simmer gern an Demos aztreffe. Mier reded gern und viel über ALLES. Me gseht eus des Öfteren uf de Strass am rauche und de Lette rüeft eusi Näme, sobald d Sunne dusse isch und mir gnüssed au di gmüetliche Abig, wo mer chli öpis für eus mached.
Mer hend aber au mega gern Gsellschaft und lernend der neui Fründschafts-Bubbles kenne.