Wir sind

Wie mir üs gägesittig würde beschriebe:

De Elijah, 25i, isch de Mensch mit de meiste Hobbies woni kenn, aktuell füehrt er sie alli aber recht passiv us. Usser eis: Dört het er sich usversehe statt es Probeabo im Gym es Johresabo glöst (shit happens). Als glehrte Schriener, duet er gern unfreiwillig d Lampene vo sine Mitbewohner*inne installiere, und schafft aktuell grad ide Betreuuig. Sit dem er do wohnt, het er 5 moll ufghört rauche und 6 moll agfange. Sini besti Mitbewohnereigeschaft: Er isch en unglaublich sympathische, lockere und lustige Mensch. Er verwöhnt eim gern mit Pancakes und anderne kulanische Kreatione und isch en social Butterfly wo immer für jede Usgang down isch. Sini schlechtischti Mitbewohnereigeschaft: Sini Zürischnurre („Chömmer no?!“), aber das macht sin lebenslange Vorrat an Wii im Keller (wo er au gern teilt) wieder wett.


D Gaëlle (au oft missverstande als „Geeiill“) isch 23i, eher last minute uf de Beii, (aso immer) drum chunnts vor dassi mengisch wück wie gjagt durd Wohnig rennt. Wenn siis den mal pünktlich ad Uni schafft, findet mer sie entweder am Telefoniere oder ab und zue au inere Psychologie-Vorläsig. Näbebi isch sii glegentlich bim Unisport, öppe so wie mer im summer ghat go ski-fahre;) oder im Bachata s Tanzbei am schwinge.
D Gaëlle isch e sehr humorvolli, unkomplizierti und herzlichi Person, wo immer für deep talks z ha isch und dich analysiere cha als hetti sie X-ray vision, echt nice mengisch😂 Google Rezensione würde es 9.5/10 gäh - en halbe punkt Abzug gits defür, dass sii ihri Wösch immer inside-out in Wöschchorb duet (eher problematisch für öpper, wo schnälls und gnaus Wäsche schätzt). Aber susch eh hammer Mitbewohnerin womer echt z schätze lernt.