Suche ein Zimmer Suche ein Zimmer

Daten und Miete

Ab dem 1.2.2021

Bis Unbefristet

Miete / Monat sFr. 750 .-

Adresse

Region Zürich (Stadt)

Kreis / Quartier Stadt Zürich ohne Kreis 7, 11 12 und Quartier Leimbach

In der nähe


Google Translate

Beschreibungen

Ich suche Es WG-Zimmer inere lässige WG i de Stadt Züri (bevorzugt Innenstadt inkl. Chreis 4 und 5, ohni Chreis 7, 11, 12 und Quartier Leimbach). Ich erfülle d JUWO-Kriterie.

Ich bin Ich bin de Reto, bin sit 3 Jahr 22gi und wachse tueni au nömme gross. Mit emene Trip-Trap hanis dihei aber trotzdem immer a d Guetzlidose gschafft... Ich studiere sit vier Jahr a de Uni Züri und han knapp über de Richtsemesterziit de Bachelor abgschlosse. Am meischte gschätzt a de Uni hani s Uniläbe näbe de Uni. Ich würd mich als liideschaftliche Vertreter vom Fiirabigbier bezeichne und chuum öpper würdi mier i dem Punkt widerspräche. Und s hett meischtens au scho früener als am Abig aagfange… Nachdem ich i dem Früehlig e Unipause gmacht han (freiwillig), han ich de Herbscht mit em Master aagfange (freiwillig). Da miis Uustusch-Semester z Schwede im nöchschte Früehlig abgseit isch (unfreiwillig), suech ich jetzt es Zimmer inere lässige WG mit lässige Lüüt (freiwillig). Ich han sit em August en Nebejob i de Gastro wo mier trotz allne iischränkige grad sehr guet gfallt. Die Gastrofreud zeigt sich au im private, ich choche sehr gern gmeinsam und bringe au gern neui Bier oder die nöchscht Fläsche Wyy uf de Balkon für mini neue WG-Gspännli und mich. Wieviel dass das sind chunt mier nöd so druf aah, i mim Chopf hani spontan so e 3er- oder 4er-WG, aber das isch überhaupt kei konkreti Vorstellig. Ich gnüüsse und mache zudem sehr gern Musigg, vo mine Gitarre dihei würdi die einti oder anderi sicher de Weg i mis WG-Zimmer finde. Vo zäme chli klimmpere und schräg singe bis zunere gmeinsame Jam-Session i de WG würdi alles sehr cool finde, wobii ich erschteres guet chan (vor allem s schräg singe) und s zweitere gern meh mache würdi. Aber au en ruhige und gmüetliche Abig schätzi zwüscheddure sehr. Zuesätzlich machi au gern Sport. Ich bin en begeisterete Kitesurfer irgendwo zwüsched Salzwasser-trinke und d-usversehe-Sprüng-au-no-bewusst-chöne. Die Begeisterig isch us em Segle entstande, en Sport woni mache sit ich knapp über de Schifflirand gsehne. I de letschte Ziit jagt mich mini Schwöschter zudem d Boulder-Wänd ue, s chlättere a sich laht sich no verbessere, Spass machts mer aber ziemli fescht. Im Winter tueni gern Boarde, im Summer bini au für e Wanderig oder suscht öppis lässigs z haa. So, das wär grob beschriebe mal ich, wie das Textli mal wieder bestätigt schwätzi sehr gern sehr viel und ich würd mich fröie vo eu z ghöre, eu kenne z lerne und denn s erschte Mal mit eu z verhöckle.

Kontakt

Bitte hier klicken um die Kontaktdaten anzuzeigen.

Fragen und Antworten (FAQ) | News | Check Scam Mail | Allgemeine Geschäftsbedingungen (AGB)

Gratis inserieren: Vermiete ein Zimmer | Suche ein Zimmer

Suchen: Suche ein freies Zimmer | Suche Mitbewohner

Möblierte Wohnungen befristet mieten & vermieten: UMS Untermietservice www.ums.ch

Freunde: Collection the ephemeral